Nag-release sang bag-o nga single ang actress kag singer nga si Maris Racal nga ‘Perpektong Tao’, nga amo ang una sini nga project kasunod sa kontrobersiya angot kay Anthony Jennings sang Disyembre.
Sa lyrics sang kanta, may nabutang kun paano nareveal ang iya mga sekreto nga wala na sini nahimo pa nga mapunggan.
Nalakip man sa kanta sini kun paano nagbag-o ang panan-aw sang publiko sa iya kag nangayo sang pasensya .
Sa chorus, ginkanta sini nga ‘Ang hirap maging perpektong tao’.
Gin-anunsyar ni Maris sa iya social media account nga dako ang bulig sang pagsulat sang kanta sa iya agud naheal ini sa sakit nga iya nabatyag.
Madumduman nga sang Disyembre, si Maris nangin subject sang kontrobersiya sa iya loveteam partner nga si Anthony.
Ini matapos ginpakigbahin sang ex-girlfriend ni Anthony nga si Jamela Villanueva ang gina-alegar pagpang-cheat ni Anthony.
Samtang, gin-ako naman ni Maris nga nadevelop ang feelings sini kay Anthony kag ginbulagan ang iya longtime boyfriend nga si Rico Blanco.
