Nagsabat na ang actress nga si Maris Racal kasunod sang kontrobersiya sa tunga nila sang actor nga si Anthony Jennings.
Suno kay Maris, tuman ini nga nahuy-an sa ginhimo nga pagwa sang mga screenshots sang private messages sa tunga sang actor kag sang actress.
Madumduman nga ginbuyagyag sang ex-girlfriend ni Anthony nga si Jam Villanueva ang ginapahayag pagpangtonto sa iya sang actor kag sang actress.
Sa mga screenshots nga gin-post ni Jam sa iya Instagram story, mabasa ang sweet conversations nanday Anthony kag Maris.
Nagwa man sa mga istoryahanay nanday Anthony kag Maris nga may ginhimo ang mga ini nga sexuaI activities.
Suno kay Jam, tatlo ka bulan niya nga gin-antos ang ginhimo nga pagpangtonto nanday Anthony kag Maris bangud nagapati siya nga “method acting” lang ang ginahimo sang duha, ilabi na nga may gina-agyan pa sadto ang actress.
Madumduman nga Hunyo sang gin-anunsyo ni Maris nga bulagay na sila sang singer nga si Rico Blanco.
Apang, tuman nga nasakitan si Jam sang makit-an ang picture nanday Anthony kag Maris nga naga-kiss samtang ginasaulog sang actor ang iya kaadlawan.
Samtang kagab-i, nagpangayo man sang pasaylo ang aktor nga si Anthony Jennings sa ex-girlfriend sini nga si Jam kag mismo kay Maris Racal kasunod sang kontrobersiya.
