mas madamo pa gid ang magabisita sa probinsya tungod sa “Manok ni Cano Gwapo” hotel.

Dako ang pagpati ni Bacolod City Lone District Greg Gasataya nga mas madamo pa gid ang magabisita sa probinsya sang Negros Occidental bangod sa “Manok ni Cano Gwapo” hotel.

Suno sa kongresista, ang hotel nga ginapanag-iyahan ni former Bacolod City Councilor Ricardo “Cano” Tan ang makatuga sang dako nga impact sa probinsya.

Ang hotel nga kalaragway sang manok ang may kataason nga 114 feet and 7 inches, tatlo ka panalgan kag may 15 ka kwarto.

Dugang pa ni Gasataya, indi mahapos ang pagpatindog sang dako nga hotel nga kilalahon sang Guinness World Records.

Dako ang pagpasalamat sini sa wala untat nga effort ni former Councilor Tan sa paghimo sang innovations nga nagapromote sa turismo sang probinsya.