I-scale down sang mga personnel sang Department of Education ang ila budget sa christmas party kag ang masave nga kwarta ang idonar sa mga nahalitan sang asod-asod nga bagyo.
Sa interview sang Bombo Radyo Bacolod kay Hernani Escullar Jr., public information officer sang DepEd Region 6, nagpagwa sang memorandum ang DepEd Central Office nga naga-reiterate sang panawagan ni President Ferdinand “Bongbong” Marcos Jr. sa pag-unong sa mga nahalitan sang mga naglabay nga bagyo pinaagi sa pagpatigayon sang simple lamang nga christmas party.
Bangod sini, nadesisyunan sang DepEd nga i-scale down ang budget sa christmas celebrations sang DepEd offices.
Kun sa diin ang masave nga pondo gikan sa 21 ka DepEd divisions sa Western Visayas ang ila idonar sa nahalitan sang bagyo.
Sa rekomendasyon sang focal person sang Disaster Risk Reduction and Management, nadisesyonan nga sa Region 5 ukon Bicol Region igadonar ang ila nga matipon nga kwarta.
