Gin-anunsyar sang tagpamaba sang Bacolod City Police Office (BCPO) nga may yara sang masobra 80 ka mga non-commissioned officer kag lima ka mga commissioned officers ang ginpromote sang tinalikdan nga Enero 15, 2021.
Sa interview sang Bombo Radyo Bacolod kay Police Lt. Col. Ariel Pico, may yara sang ginpatigayon nga mass donning kag pinning sa mga newly promoted officers sang Biyernes.
Kalakip sa mga ginpromote nga commisioned officers amo sanday Police Captain Richard Fajarito nga nangin Police Major na kasubong man ni Police Captain Jun Ray Batadlan.
Ginpromote man ang deputy chief of police sang Police Station 3 nga si Police Executive Master Sergeant Ramie Sayson sa Police Lieutenant subong man ang pinuno sang City Drugs Enforcement Unit (CDEU).
Samtang si Police Lt. Liberty Indiape sang headquarters ang ginpromote sa Police Captain.
Gin-athag man ni Pico nga wala sang reshuffling nga matabo bangud nagakaangay na ang ila ranggo sa ila nga position subong.
