Masobra 93 mil nga balor sang iligal nga druga ang nakumpiskar sa ginpatigayon nga buybust operation sa atubang sang pension house sa Barangay 12, Bacolod City kaina sang kaagahon.
Ginkilala ang mga suspetsado kanday Ian Dionson, 40-anyos kag residente sang Purok Maya, JJ Gonzaga, Barangay Mansilingan kag isa ka high-value individual kag Lyn Mari Co, 36-anyos sang Villa Servando Subdivision, Barangay Singcang Airport kag isa ka streety level individual.
Natigayon nga makuha sa ila possession kag kontrol ang isa ka knot-tied transparent plastic sachet sang suspected shabu kag dugang pa nga siyam ka mga plastic sachet sang ginapatihan iligal nga druga.
Ginabanta nga nagabug-at ini sang 11.66 grams kag nagabalor sang P93,280.
Nakahunong na karon sa kustodiya sang Police Station 1 ang mga suspetsado kag natalana nga pasakaan sang kaso sa paglapas sang Republic Act 9165 ukon Comprehensive Dangerous Drugs Act of 2002.
