Masobra isa ka milyon ka pesos nga balor sang ilegal nga droga sa isa ka lalaki sa BREDCO Port, Reclamation Area, Brgy. 10, syudad sang Bacolod kahapon sang hapon Setyembre 25.
Ginkilala ang nadakpan kay Rhemhon Dumangcas 36 anyos residente sang Barangay Padlad, banwa sang Dumangas, Probinsya sang Iloilo.
Nakuha sa paghinakop sini ang 150 grams sang suspected shabu kag ginabanta nagabalor sang P1, 020, 000.00.
Suno kay Rhemhomn Dumancas, nagbiyahe ini padulong sa syudad sang Bacolod nagikan sa Dumanggas matapos nga may magtawag sa iya.
Suno kay Dumancas, nagpadulong ini sa SM Bacolod kag nagkuha sang pula nga plastic bag nga gindrop sang nakaestorya sini nga lalaki sa sulod sang banyo sang nasambit nga mall.
Wala man ini makahibalo kun ano ang sulod sang plastic kag gindala niya lamang ini agud liwat magtabok sa Dumanggas.
Suno kay Agent Bamboo, Deputy Provincial Officer sang PDEA-Negros Occidental, nagpamalibad si Dumancas nga mag-agi sa scanner sang BREDCO Port sa baylo nagpadulong ini sa cofort room kag ginhaboy sa basurahan ang ang isa ka putos nga sulodlan.
Sang ginusisa sang mga otoridad, nakita ang isa ka long knot tied transparent plastic packs sang ginasuspetsuhan shabu kag isa pa ka small knot tied transparent plastic packs sang ginasuspetsuhan shabu nga ginabulubanta 150 ka gramos ang kabug-aton kag nagabili sang masobra isa ka milyon ka pesos.
Dugang pa ni Bamboo, tuyo kun tani magtabok ni Dumancas padulong sa probinsya sang Iloilo sang nadakpan
Si Dumangcas ang nahunong karon sa costudial Facility sang Police Station 2 kag natalana nga pasakaan sang kaso nga paglapas sa layi nga nagadumili sa paghupot sang ilegal nga droga.
Sang gin-usisa sang mga otoridad, nakita ang isa ka long knot tied transparent plastic packs sang ginasuspetsuhan shabu kag isa pa ka small knot tied transparent plastic packs sang ginasuspetsuhan shabu nga ginabulubanta 150 ka gramos ang kabug-aton kag nagabili sang masobra isa ka milyon ka pesos.
Dugang pa ni Bamboo, tuyo kun tani magtabok ni Dumancas padulong sa probinsya sang Iloilo sang nadakpan.
Si Dumangcas ang nahunong karon sa costudial Facility sang Police Station 2 kag natalana nga pasakaan sang kaso nga paglapas sa layi nga RA 9165 ukon Comprehensive Dangerous Drugs Act of 2002.
