Narecover ang masobra P1.1 million nga balor sang suspected shabu sa 26 anyos nga lalaki sa drug buybust operation sa Calong-Calong, Zone 3, Bangga Saling, Barangay Singcang-Airport, Bacolod City alas-7:29 kagab-i.
Ang suspect ang ginkilala nga si Anthony Rico alyas Pindot, 26 anyos, single, wala sang trabaho, kag residente sang Purok Langis, Brgy. Banago.
Si Rico ang ginakonsiderar high value individual (HVI) kag yara man sa listahan sang Barangay Anti-Drug Abuse Council (BADAC).
Narecover sa iya ang pito ka knot tied transparent plastic bag sang suspected shabu kag isa ka elongated sachet sang suspected shabu bilang buybust item.
Ang suspected shabu ang ginabanta nagabug-at sang 170 grams kag may standard drug price nga P1,156,000.
Si Rico ang sa karun nakahunong na sa Bacolod Police Station 8
