Masobra isa ka milyon nga dried marijuana leaves kag fully-grown marijuana ang narekober sa buybust operation sa isa ka 50-anyos nga lalaki sa Purok Saging, Barangay Igmaya-an, Don Salvador Benedicto, Domingo sang hapon.
Sa impormasyon nga nakuha sang Bombo Radyo Bacolod, ang suspetsado ang ginkilala kay Jonas Alvios kag residente sang amo man nga lugar.
Nakuha sa iya paghinakop ang isa ka white plastic bag nga may unod nga dried marijuana kag dugang pa gid nga tatlo ka sako.
Nakuhaan man ini sang 120 ka mga fully-grown suspected marijuana plants.
Ginabanta nga nagabug-at sang walo ka kilo ang mga suspected dried marijuana nga may DDB value nga kapin P960,000 samtang 158,400 pesos naman ang balor sang 120 ka bilog nga mga fully-grown marijuana plants.
Sa karon, yara na sa kustodiya sang Don Salvador Benedicto Municipal Police Station ang suspetsado.
