Dako ang pagpasalamat sang alkalde sang banwa sang Hinobaan nga nakumpiskar ang masobra P13 million nga balor sang illicit cigarettes.
Sa interview sang Bombo Radyo kay Mayor Daph Anthony Reliquias, ginkarga ang 275 ka master cases sang smuggled cigarettes sa isa ka fishing vessel kag ginsaylo sa balsa kag gin-amat amat pasulod sa Wild Duck Resort sa Brgy. Pook.
Ang mga nadakpan ginkilala nga sanday Fatima Isnani, 39 anyos, tumandok sang Jolo, Sulu nga temporaryo nagatinir sa Brgy. 16, Bacolod City; Romeo Lim, 43 anyos, residente sang Prk. Rosal, Brgy. Viterans, Ipil, Zamboanga Sibugay; kag ang duha ka driver nga sanday Bryan Suguitao, 40 anyos, residente sang Evangeline Heights Ipil, Zamboanga Sibugay; kag Pipeto Palco, 57 anyos, residente sang Prk. Malipayon, Brgy. 35, Bacolod City.
Nakumpiskar ang 188 ka master cases nga naga-unod sang 50 ka ream sang canon black menthol, 87 ka master cases nga naga-unod sang 50 ka ream sang Canon menthol, kag duha ka unit sang Isuzu Elf six wheeler panel van.
Suno kay Reliquias, dako ang iya pagpasalamat nga nakumpiskar ang mga smuggled cigarettes sa ila nga banwa.
Nag-abiso ini sa mga resort owners nga magulu-aligmat kun may yara sang magdungka sa ila area nga may bitbit nga illegal nga produkto.
Dugang pa ni Reliquias, wala siya nakahibalo kun sin-o ang yara sa likod sang pagbyahe sang smuggled cigarettes ukon sin-o man ang involved diri apang iya ginapanawagan nga ini na ang mauntat.
