Dakop ang isa ka high value individual kag tatlo ka iban pa sa ginpatigayon nga drug buybust operation nga ginpatigayon sang Bacolod City Police Station sa Purok. Narra Baybay Barangay 8, Bacolod City kahapon, Abril 17, 2025.
Ginkilala ang mga nagkaladakpan kanday Erika Narvasa, 30 anyos, High Value Individual, single, female, wala sang trabaho, kag residente sang Purok. Narra Baybay Barangay 8, Bacolod City; Rolinda Tarug, 59 anyos, kasado, wala sang trabaho kag residente sang residente sang Prk. Narra Baybay Brgy. 8, Bacolod City, Sherwin William Ruiz, 49 anyos, lalaki, single kag resident sang Prk. Zone II, Calong calong, Brgy. Singcang, Bacolod City kag Xerxes Villanueva, 55 anyos, lalaki, single kag residente sang Hermilinda Holmes Brgy. Mansilingan, Bacolod City.
Narecover diri ang anum ka heat sealed transparent sachet sang suspected shabu, duha ka transparent plastic sachets nga nagaunod sang suspected shabu, isa ka sling bag, isa ka coin purse kag isa P1000 genuine bill magluwas sa siyam ka P1000 bill nga boodle money.
Ang narecover nga suspected shabu ang nagabug-at sang 150 grams kag may Standard Drug Price Value nga Php 1,020,000.00.
Nakahunong na ang mga nagkaladakpan sa Bacolod Police Station 2 kag natalana nga pasakaan sang kaso nga paglapas sa RA 9165 ukon Comprehensive Dangerous Drugs of 2002.
