Masobra P400,000 nga balor sang illegal nga druga ang nakumpiskar sa drug buybust operation nga ginpatigayon sang Philippine Drug Enforcement Unit kag Provincial Intelligence Unit sang Negros Occidental Police Provincial Office sa Barangay 7 Poblacion, banwa sang Moises Padilla.
Sa impormasyon nga nakuha sang Bombo Radyo, ginkilala ang mga suspetsado nga sanday Jayvee Dingcoy, 30-anyos, Top 1 sa Target Priority List sang Moises Padilla kag Jioseen Vinson, 33-anyos, Top 2 sa Target Priority Lost sang nasambit man nga banwa, lunsay mga residente sang Purok 1, Barangay 7, Moises Padilla.
Nakuha sa ila paghinakop ang 15 ka mga sachet sang heat sealed transparent plastic sachet sang suspected shabu lakip na ang buybust item; P1,000 nga buybust money; duha ka short firearm nga revolver caliber type kag belt bag nga gray.
Ang nakumpiskar nga illegal nga druga ang ginabanta nagabug-at sang 60 grams kag may estimated market value nga P408,000.
Sa karun nakahunong na ang mga ini kag magapangatubang sang kaso sa paglapas sa R.A. 9165 ukon Comprehensive Dangerous Drugs Act of 2002.
