Masobra P6 million nga balor sang illegal nga droga nakumpiskar sa duha ka 23-anyos kag isa ka 19- anyos nga mga lalaki sa Purok Masinadyahon, Brgy 24, Bacolod City, kahapon, alas- 11:15 sang udto.
Sa drug buy bust operation nga ginpatigayon sang Philippine Drug Enforcement Agency Regional Office – Negros Island Region kag Negros Occidental Police Provincial Office, nadakpan sanday Rolly Molena, 23- anyos; Alex Geocadin, 19- anyos, lunsay mga residente sang Purok Kamoteng Kahoy, Brgy. 4, Bacolod City; kag Gabrielle Hornoz, 23- anyos, residente sang Purok Uraro, Brgy 4, Bacolod City.
Nakumpiskar sa tatlo ang isa ka pack sang Chinese Tea Bag nga naga-unod sang ginapatihan nga shabu nga may kabug-aton nga isa ka kilo nga nagabalor sang kapin P6,800,000.
Magapangatubang ang tatlo sang kaso sa paglapas sa Section 5, Article II sang Republic Act No. 9165 ukon ang Comprehensive Dangerous Drugs Act of 2002.
