Gindagsa sang mga tumalan-aw ang ginpreparar nga activities para sa Masskara Festival 2024 kagab-i.
Sa interview sang Bombo Radyo Bacolod kay Police Captain Francis Depasucat, Station Commander sang Bacolod Police Station 4, kun madamo ang nagtambong sa Grand Salubong sang Biyernes, mas nagdagsa pa gid ang mga tawo nga naglantaw sa concert sa Bacolod City Government Center kagab-i.
Suno diri, ila ginpreparahan ang deployment sang kapulisan apang pananglitan man nga kinahanglan sang augmentation, may yara sila sang mga reserved personnel nga mahimo ideploy gilayon.
Hugot man ang ila pagbantay nga matapos ang event nga wala sang untoward incidents nga magluntad.
Samtang nag-eksperyensyahan naman ang mabug-at nga lakat sang trapiko sa BCGC kun sa diin halos kalabanan sa mga tumalan-aw sang concert ang nagdesisyon nga maglakat na lamang padulong sa area sangsa magbyahe dala ang ila salakyan ukon motorsiklo man.
