Ginakabig nga “ground breaking event” sang gobernador sang Negros Occidental ang Masskara sa Panaad bangud ini ang labing una nga kahigayunan nga naimbitihan ang probinsya nga makigbahin sa event.
Kahapon, opisyal na nga ginbuksan ang Masskara sa Panaad sa seremonya nga ginpatigayon sa Panaad Park and Stadium kag gintambungan sang mga opisyales sang ciudad kag probinsya.
Sa speech ni Governor Eugenio Jose “Bong” Lason, malipayon ini nga mangin kabahin sang pinakadako kag ginahulat nga Masskara Festival matapos nauntat sang duha ka tuig bangud sa pandemic.
Suno sa iya, ang Masskara sa Panaad ang kahigayunan nga mahatagan sang oportunidad ang mga tourista sa Masskara nga ma-experience ang mga produkto, kultura, festival, travel destination kag cuisines sang Negros Occidental.
Gincongratilate sini si Mayor Alfredo Benitez, ang Bacolod City Government kag ang Balik Yuhom Foundation.
Nagpasalamat man si Lacson sa mga local chief executive sang nagkalain-lain nga ciudad kag banwa sa probinsya sa ila suporta kag kooperasyon agud ini ang matigayon.
