Na-detect sang University of the Philippines Marine Science Institute (UP MSI) ang nagasaka nga lebel sang iodine-129, nga isa ka isotope nga masami ginagamit nga indicator sang nuclear activity, sa seawater samples nagikan sa West Philippine Sea (WPS).
Ginpahayag sang UP MSI nga mas mataas ang concentration nga nakita sa WPS kun ipa-anggid sa iban nga bahin sang pungsod apisar wala sang active nuclear power plant ukon nuclear weapons program sa Pilipinas.
Gin-base ang findings sa analysis sa 119 ka seawater samples nga nakolekta nagikan sa WPS, Philippine Rise, sa Sulu Sea kag sa iban nga bahin sa bilog nga archipelago.
Nakita sang researchers ang iodine-129 levels sa WPS nga ginabanta 1.5 tubtob 1.7 nga mas mataas kun ipa-anggid sa na-record sa iban nga sampling sites.
Ginpatigayon sang eksperto nagikan sa Department of Science and Technology-Philippine Nuclear Research Institute, Geological Oceanography Laboratory sang UP MSI kag University of Tokyo ang pagtuon nga ginpondohan sang ginpondohan sang DOST-National Research Council of the Philippines kag DOST-Philippine Council for Agriculture and Resources Research and Development.
Na-trace sang team nga posible sa Yellow Sea naghalin ang isotope.
Suno pa sa UP MSI, nagasanto ang resulta sa nagligad nga pagtuon sang Chinese nga naga-angut sa iodine- 129 sa Yellow Sea sa denikada na nga nuclear weapons tests kag nuclear fuel reprocessing facilities sa Europe, nga nagpagwa sang isotope sa mga duta kag suba sa northeastern China.
