Ginpahayag sang anay administrator sang Sugar Regulatory Administration (SRA) nga maayo para sa sugar industry ang mataas nga presyo sang kalamay apisar nga nagbukas na ang galing apang gin-athag man sini nga indi planters ang nagaganar sa mataas nga presyo sang kalamay.
Sa interview sang Bombo Radyo Bacolod kay Rafael Coscolluela, ang mga nagaganar sa karun sa mataas nga presyo sang kalamay ang mga threshold sellers kag retailers.
Sa karun ang isa ka sako sang refined sugar ang mabakal sa P3250 kag ang retail price ang yara sa P85 kada kilo apang sa Metro Manila mabakal ini sa P134 kada sako.
Suno kay Coscolluela, dapat magiho na ang Department of Trade and Industry (DTI) kag Department of Agriculture (DA) kag magtalana kasubong man magpatuman sang Suggested Retail Price sa kalamay agud macontrol ang presyo sini.
Suno pa diri, dapat magahimo na sang solusyon ang gobyerno agud masolusyunan ang problema sa industriya sang kalamay kag dapat man nga maintsindihan ang problema agud nga makahimo sang nagakaigo nga solusyon.
