Dako ang kinalain sang selebrasyon sang Valentines Day sa Pilipinas kun ipaanggid sa Cyprus.
Sa interview sang Bombo Radyo Bacolod kay Quennie Senining, Bombo International News Correspondent sa Cyprus, nagagreet ang mga Cypriot sang Valentines apang wala sang makita nga heart displays ukon bisan ano nga dekorasyon nga may kaangtanan sa Valentines Day.
Suno kay Senining, wala man sang mga lodging houses didto nga nagakapuno sa tion sang nasambit nga adlaw indi kaangay diri sa Pilipinas.
Ang mga Cypriot ang indi lang sa Valentines Day nagapabatyag sa ila pagpalangga kundi adlaw-adlaw.
Samtang ang mga Filipino didto ang nagapatigayon man sang Valentines Gala bilang selebrasyon sang Valentines Day.
Suno diri, mas bongga ang selebrasyon sang mga Cypriot sa tion sang kaadlawan ukon Birthday.
