Ginmandoan na ni Bacolod City Mayor Greg Gasataya ang General Services Office (GSO) nga blue guards dapat ang mabantay sa Bacolod Public Plaza.
Suno sa alkalde, madugay na nga ginatiniran sang mga mendicants ang plaza kag nagatinir ang mga barker didto para magpasaka sang mga pasahero.
Suno diri, na-identify na sang Bacolod City Police Office ang mga barker nga yara sa area kag ginahulat na lamang sini nga matapos ang trabaho sang Tourism Infrastructure and Enterprise Zone Authority (TIEZA) sa pagrenovate sa plaza agud mahapos ang pagbantay kag paglimpyo didto.
Suno kay Gasataya kaangay nga ginabantayan lang sang mga barker ang mga otoridad nga kun ligwa na, liwat naman sila nga mabalik sa area.
Pahayag sini, gintugyan na sini sa GSO ang pagbantay sa plaza bangod indi ini masarangan sang JOs lamang.
