Kampanya batok sa illegal nga druga mahimo nga mapatay ini nga krusada
Kon sa tion nga indi pag tutukan ang mga tawo nga nagikan sa china
Mga intsik nga diri sa aton nagpa amolya
Katuyuan illegal nga druga ang mapalapta
Sila ini ang sa likod sang pagpasulod sang shabu nga binilyon
Ginapanagtag sa mga druglords padulong sa mga tawo nga adikon
Paagi sa mga drug pushers nga masyado ka pursigido
Madamo na gani nga mga addict ang nagkala dedo
Sa kampanya nga ginpasanyog ni sadto general bato
Sa mga addict kag pushers lamang naka sentro
May mga druglords man nga posistibo kno
Gani sila sa operasyon ang nagkalamatay na kay man siling nag bato
Nag surrender nga mga addict indi lamang ginatos kundi ginatos na ka libo
Sa panawagan ni general bato sila ang nag surrender kay man siling maga bag o
Ugaling kay wala ma rehab nagbalik sa ila anay nga bisyo
Gani karon gina kabig target nga high value
Siling nila ang pagpatay sang kahoy dapat gamot ang lokaton
Amo ini ang pamaagi agud nga ang kahoy tumbahon
Indi mo ini ma dala sa pagtapas lamang sang iya mga sanga
Manalingsing pa gid gani ini kag maga dabong ang dahon niya
Amo ini ang akon paglantaw sa kampanya batok sa illegal nga druga
Wala gintutokan ang mayor nga gamot ginpang utod lang ang sanga
Ining mga drug pushers kag mga durogista
Ginpang likidar kabuhi ang nagkaladula
Sa likod sini tanan sa gihapon illegal nga druga ang wala na tapna
Sa pagligad sang mga inadlaw padayon ini nga naga lala
Sang una ang naga sulod sa aton amo lamang ang shabu kag marijuana
Sa karon cocaine na nga suno kay digong naghalin sa columbia
Naglala pa gid gani sa karon ang problema naton sa illegal nga druga
Kamatuoran nga nagakalipdan bangud sang sobra nga propaganda
Gina kondisyon ang utok sang mga tawo sa social media
Ginapapati nga nag madinalag on ang aton nga kampanya
Sa kamatuoran wala ini nag madinalag on
Ini mismo ang gin ako na sadto ni presidente digong
Wala kuno ini niya sadto na tantiya nga amo sini ka dalom
Ang problema sa druga nga nagahalit sa aton nga mga pamatan on
Sa karon ang akon lang palamangkotanon kon wala nya man bala na tantiya
Nga ang mga druga gina dala sang mga tawo nga taga china?
Subong nga nakita na kon diin ang gamot
Ngaa nga indi pa naton ini magabot
Nahadlok bala kita bangud nga ma engkuentro naton ang pungsod china?
Pungsod nga sa aton nagpa utang sang dako nga kantidad
Pungsod nga kita ang gina sakop sang amat amat
Paagi sang pagpautang nga sa tuman ka dako daw mabudlayan kita maka bayad?
Ukon basi amo na ini ang ginasiling ni digong nga madalom
Kadalomon nga siya man mismo ang nakahibalo kon paano ini tungkaron
Sa kadamo sang mga intel nga sa iya nagapalibot
Imposible nga indi matumod kag malukat ang mayor nga gamot.
Date of airing: March 22, 2019
