Ginpasiguro man sang Medical Quarantine Officer nga si Dr. Sebastian Tabuga nga ginatsekyar ang tanan nga mga barko nga nagadungka sa pier sa ciudad sang Bacolod.
Suno kay Tabuga, ginatsekyar nila ang tanan nga mga barko nga nagadungka sa ciudad sang Bacolod agud malikawan ang paglaton sang n-coronavirus sa probinsya.
Ginatsekyar sang Bureau of Quarantine ang last point of sail sang barko agud mahibaluan kun nakapalapit ang barko sa pungsod China, kun sa diin madamo na sang mga tawo ang infected.
Ginaabisuhan man nila ang kapitan sang barko nga sundon ang tanan nga panugyan sang health officials.
Ginapasiguro man sang opisyal nga ginasunod ang tanan nga protocol nga gin-isyu sang ila opisina.
Nagpanugyan man ang opisyal nga dapat magsuksok sang facemask.
