Ginalantaw sang Manila kag Washington ang posibilidad sang pag-arrange sang isa ka meeting sa tunga nanday Philippine President Ferdinand “Bongbong” Marcos Jr. kag United States President Donald Trump suno sa Department of Foreign Affairs.
Ang nasambit nga topiko ang natabo sa isa ka phone call sa tunga nanday DFA Secretary Enrique Manalo kag US Secretary of State Marco Rubio sang Miyerkules.
Sa statement sang DFA, nagkasugot sanday Secretaries Manalo kag Rubio nga i-explore anay ang isa ka first meeting sa tunga nanday Presidents Marcos kag Trump sa palaabuton.
Antes ini, ginre-affirm ni Marcos ang makusog kag nagadugay nga alyansa sang Pilipinas kag Estados Unidos kag ginpahayag nga nagalook forward ini sa pagtrabaho kaupod kay Trump kag sa iya gobyerno.
Gindiskusyunan man nanday Manalo kag Rubio ang state defense kag security cooperation sa tunga sang duha ka allies lakip na ang US support para sa Philippine defense modernization kag ang sitwasyon sa West Philippine Sea.
