Gin-anunsyar sang property developer nga Megaworld Corp. nga gin-upgrade sang mga ini ang reward para kay Filipino gymnast Carlos Yulo matapos nga magdaog ini sang ikaduha nga medalya sa nagapadayon nga Paris Olympics 2024.
Sa statement sang nasambit nga property developer, magahatag ini sang reward kay Yulo sang three-bedroom unit sa isa ka premier residential properties sini nga yara sa McKinley Hill.
Una na nga ginpahayag sang nasambit nga kumpaniya nga magahatag ini sang reward sa Filipino gold medalists sang P24-million two-bedroom residential condominium unit.
Ini nga development ang matapos nga masiguro ni Yulo ang ikaduha nga gold medal matapos nga makakuha sang score nga 15.166 points sa vault kun sa diin sa una nga vault nakakuha ini sang 15.433 kag sa ikaduha nakakuha ini sang 14.800.
Ini na ang ikatatlo nga gold medal sang Pilipinas sa Olympics.
Dugang pa sang nasambit nga kumpaniya nga magahatag pa ini sang dugang nga P3-million cash bonus kay Yulo matapos nga ini ang labing-una nga Filipino nga atleta nga nakakuha sang duha ka bulawan nga medalya sa Olympics.
Magluwas sa reward nagikan sa property developer, magabaton man sang pila ka mga incentives si Yulo nagikan sa gobyerno
