Gindefer kag ginsuhestiyon sang Sangguniang Panlungsod nga ibalik sa Office of the City Mayor kag City Legal Office ang memorandum of agreement tuhoy sa consultancy agreements sa tunga sang Bacolod City Government kag apat ka mga indibidwal kun sa diin tatlo ang empleyado sang probinsya agud makahimo sang refferal ukon inquiry sa Civil Service Commission.
Sa idalum sang proposal, si Atty. Rayfrando Diaz ang mangin Consultant for Administrative Matters and Systems Review; Atty. Valerie Anne H. Hollero bilang Consultant for Health Insurance and Health Care; Dr. Mary Ann P. Maestral bilang Consultant for Health and Hospital Concerns; kag Ms. Lucille Gelvolea bilang Consultant for Special Projects and Economic Affairs.
Si Diaz ang sa karun ang nagaserbi bilang Provincial Administrator; si Hollero naman ang anay regional Vice President sang Philippine Health Insurance Corporation 6; si Maestral ang chief of hospital sang Teresita Lopez Jalandoni Provincial Hospital; kag si Gelvolea ang sa Economic Enterprise Development Department (EEDD).
Sa interview sang Bombo Radyo kay Councilor Renecito Novero, ginpahayag sini nga kahapon sila nagpatigayon sang session sa SP bangud sang Miyerkules, bag-o lamang sila nakaabot nagikan sa Manila bangud sa ginpatigayon nga Bacolod Trade Fair.
Suno kay Novero, bilang nagaisahanon nga abogado sa konseho, iya obligasyon nga ipakigabahin ang iya ihibalo tuhoy sa mga hagna sa SP nga nagarequire sang legal consulytation.
Suno diri, wala ini nagaquestion sang competence sang mga ginapropose nga consultants kag nagapati ini nga maayo ang tinutuyo ni Mayor Alfredo Benitez sa pagduso sini apang may yara sang mga technical issues sa Civil Service Commission.
Suno sa iya, sa general rule sang CSC, indi permissable ang isa ka government official nga himuon full time consultant.
Kun part time naman, mapahanugutan, apang may mga kondisyon kag gin-inumerate man sang CSC ang mga kondisyon nga dapat tamdun.
Apang sa memorandum of agreement nga ginpropose sang alkalde, wala naapid nga nacomply ang mga kondisyon gani ginsuhestiyon sini nga ini ang ibalik anay sa Mayor’s Office kag City Legal Office.
Suno kay Nobvero, ini agud ang SP ang masafeguard samng mga advises nagikan sa CSC kag City Legal.
Gindugang man sini nga ila liwat nga pagareviewhon ang mga dokumento tuhoy diri kun mabalik na ini sang Mayor’s Office sa SP sa masunod nga session.
