Nagpirma sang memorandum of understanding (MOU) ang Bases Conversion and Development Authority (BCDA) upod ang Philippine Tennis Association (PHILTA) para sa pagtukod sang Philippine Tennis Center sa New Clark City sa Tarlac.
Suno sa kasugtanan, nagahatag ang BCDA sang napulo ka ektarya nga duta sa New Clark City agud tukuran sang tennis center nga nag-uyon sa international standards.
Ini nga proyekto, ang ginalantaw nga makahatag sang grassroots development kag youth training sa mga tennis players.
Suno kay BCDA president and chief executive officer Joshua Bingcang, magahatag sang oportunidad ang proyekto sa kabataan nga Pilipino nga malab-ot ang ila handum nga mangin tennis player, kag mapakita nga ang sports excellence ang nagasugod sa komunidad.
