-- ADVERTISEMENT --
Arestado ang isa ka menor de edad sa ginpatigayon nga buybust operation sang Police Station 2 sa San Sebastian St., Barangay 30 ciudad sang Bacolod kagab-i.
Sa impormasyon nga nakuha sang Bombo Radyo Bacolod, subject sang operasyon ang isa ka 16-anyos nga lalaki.
Dakop man ang upod sini nga ginkilala kay Patrick Paje, 25-anyos sang nasambit nga lugar.
Narekober sa mga suspetsado ang tatlo ka bulto kag duha ka magagmay nga sachet sang suspected shabu nga nagabalor sang kapin 180 mil pesos.
Sa karon, nakahunong ang duha sa custodial facility sang Police Station 2 kag natalana nga pasakaan sang kaso sa pagbayolar sang Republic Act 9165 ukon ang Comprehensive Dangerous Drugs Act of 2002.
-- ADVERTISEMENT --
