Dako ang pagpasalamat sang Chief Executive Officer sa Metro Bacolod Chamber of Commerce and Industry (MBCCI) nga ginsabat na ang madugay nila nga ginapangamuyo nga tutukan sang gobyerno ang food production.
Sa interview sang Bombo Radyo Bacolod kay Frank Carbon, maayo ang tikang sang gobyerno nga pagmando sa mga government agencies kag sa pag-engganyo sa mga local government units nga suportahan ang Enhanced Partnership Against Hunger and Poverty (EPAHP) Program.
Ini agud nga mabuhin-buhinan ang kagutom kag kapigaduhon sa pungsod.
Suno kay Carbon, dapat gid man nga tutukan ang food production kag indi dapat magsalig sa food importation.
Ginpahayag man sini nga dapat ang Malacanang ang magabutang sang departamento nga magamonitor sang nasambit nga programa bangud madamo ang mga ahensya sang gobyerno ang imbulbado diri.
Suno diri, dapat imonitor kag nagakadapat man nga tingbon sang mga gobyerno ang pondo kag resources sang nanari-sari nga government agencies agud nga sa tion nga may ipatuman ang isa ka programa may yara sang impact sa pagproduce sang madamo nga pagkaon.
Suno pa diri, nagakadapat man nga per province ang pagpatigayon sang programa bangud ang kada probinsya ang nakahibalo sang ila kinahanglan kag kun ano ang makapamaayo sa ila nga probinsya.
Panugyan man ni Carbon dapat nga tutukan sang gobyerno ang agri-food sector bangud ini ang nagasalbar sang ekonomiya sang kalabanan nga mga pungsod sa Southeast Asia.
