Ginpahayag sang presidente sang Negros Association of Chief Executives nga wala pa ini naka-esturya sa mga alkalde sa probinsya angot sa ginaduso ni Negros Occidental 1st District Representative Julio “Jules” Ledesma nga ideklarar nga persona non grata si Senate President Alan Peter Cayetano.
Suno kay Cadiz City Mayor Salvador Escalante, wala pa ini naka-esturya sa mga alkalde angot sa pahayag ni Ledesma.
Suno diri, para sa iya ang nagakatabo sa karun sa Senado kaangay nga pamulitika na gid lamang.
Suno kay Escalante, ang Senado indi na kaangay sadto sang sang Senador pa sanday Miriam Defensor Santiago kag Franklin Drilon nga gina-una ang welfare sang tawo.
Pahayag sini, indi man sini mabasol ang mga Senador bangod ang mga tawo man ang nagboto sa ila.
Samtang, ginpahayag naman ni San Carlos City Mayor Renato Gustilo nga wala pa ini nakadesisyon sa hingyo ni Ledesma nga ideklarar nga persona non grata si Cayetano.
Suno kay Gustilo, indi pa ini makadesisyon kun magasuporta siya sa hingyo sang kongresista.
Suno diri, indi dapat maapektohan ang pagconduct sang session sang mga Senador bangod wala na sila sang mahimo nga trabaho kag nagapati ini nga ang pag-ilinaway sang mga Senador nag-ugat sa impeachment case ni Vice President Sara Duterte.
