Nadugangan naman ang mga alyas Bigboy nga nakit-an ni Negros Occidental Police Provincial Office (NOPPO) Director Police Colonel Romeo Baleros.
Sa ginpatigayon nga spot inspection ni Colonel Baleros amy angut sa iya 45-60 days fitness camp, isa ka obese nga pulis ang iya nakit-an sa La Carlota City Police Station.
Ang nasambit nga pulis ang ginhingadlan naman ni Baleros nga si Alyas Bigboy II.
Madumduman nga sang nagligad nga semana, isa man ka pulis nga ginhingadlan kay Alyas Bigboy ang nag-viral matapos ginpa-exercise ini ni Baleros sa iya nga opisina.
Ginhatagan-pagtamod sang NOPPO Director nga ang ginahimo niya nga pagpapaniwang sang iya mga nasakupan ang indi lamang para sa ila nga promotion kundi para man mangin handa ang nga mga ini sa operasyon.
Ilabi pa nga nagahilapit naman ang anibersaryo sang New People’s Army (NPA) sini nga Marso 29.
