Mga armas sang negosyante nga si Atong Ang, nasurrender na

Ginkumpirmar sang kampo ni Charlie “Atong” Ang nga gin-surrender na ang mga armas nga nakapangalan sa negosyante.

Suno sa abogado ni Ang nga si Atty. Gabriel Villareal, gin-turnover ang mga armas sang gaming tycoon sa Mandaluyong City Police.

Kalakip sa mga ginsungka nga armas amo ang Colt rifle, Glock 9mm; Sig Sauer 9 mm; Smith & Wesson .38 caliber; kag Battle Arms Development (BAD) 9 mm pistol.

Wala naman nalakip diri ang isa ka rifle nga ginapanag-iyahan ni Ang nga gin-report nga nadula sang Oktubre 2025.

Sa ginpadala nga kopya ni Villareal, nalakip diri ang affidavit of loss kag blotter report bilang pamatuod nga nadula ang nasambit nga armas.