BACOLOD CITY — Handa na ang mga atleta sang ciudad sang Bacolod sa patag sang athletics para sa nagahilapit nga Western Visayas Regional Athletic Association Meet nga hiwaton sa ciudad sang Iloilo.
Suno kay Coach Miguel Arca sang athletics boys secondary, may yara sang 15 ka mga atleta nga babayi kag 15 man ang mga lalaki nga iya ginahanas.
Sa 15 ka mga lalaki, 13 sa mga ini ang bag-uhanon suno kay Arca samtang duha naman ang nakahampang na sa Palarong Pambansa.
Apang kampante ang coach nga masarangan sang mga atleta ang ila mangin kasumpong nagikan sa iban nga mga probinsya sa Rehiyon 6.
Sa mga babayi naman, halos 50 porsyento sa mga ini suno sa coach ang nakahampang na sa Palarong Pambansa.
Sa karon, ginatutukan sang team ang pagtinguha nga ma-break sang mga atleta ang kaugalingon nga rekord sa tion nga magsabak na sa regional meet sa Pebrero 18 tubtub 23.