BACOLOD CITY — Nagalaom ang mga opisyal sang Negros Occidental nga makahampang na buwas ang mga atleta nga naglain ang pamatyag samtang nagahanda sa nagkalain-lain nga sporting events sa Western Visayas Regional Athletic Association (WVRAA) Meet sa ciudad sang Iloilo.
Sa pinakaulihi nga datos, nagadangat na sa 370 ka mga atleta, coaches kag trainers ang gindala sa clinic sang La Paz 1 Elementary School agud mahatagan sang atensyon medikal.
Suno kay Aline Vieja, physical therapist sang Negros Occidental delegation, 15 ka mga atleta ang nagsufrer sang loose bowel movement.
Gindala ang mga ini sa ospital antes ang opening ceremony kahapon apang matapos ginpaidalom sa laboratory test, sila ang nangin out patient naman kag ginhatagan sang hydrite.
Kalabanan sa mga ini suno sa iya ang mga players sang softball elementary girls nga may yara sang schedule sang hampang buwas gani nagalaom ang ini nga sila ang magaayo subong nga adlaw.
Magluwas sa mga ini, ginatos naman ang nagbatyag sang muscle pain kag ginhilanat bangud namag-o sa panahon.
Samtang, madamo man nga pasyente nga gindala sa clinic nga nagpangayo sang bulong para sa hyper-acidity kag allergy.
