BACOLOD CITY — Ginhatagan na sang cash incentives sang probinsiya sang Negros Occidental ang mga atleta, coaches, assistant coaches kag chaperons nga nakakuha sang medalya sa ginpatigayon nga Western Visayas Regional Athletic Association (WVRAA) Meet 2018 sa ciudad sang Iloilo tinalikdan nga Pebrero.
Isa ka simple nga seremonya ang ginhiwat sa Negros Occidental Multi-Purpose Activity Center agud ipanagtag ang cash incentives kahapon.
Gintiglawas ni Provincial Sports Coordinator Angel Verdeflor si Gov. Alfredo Marañon Jr. sa nasambit nga programa kun sa diin nagtambong man si OIC Schools Division Superintendent sang Department of Education Division of Negros Occiddental nga si Gladys Amylaine Sales.
Kabug-usan nga 367 ang ginhatagan sang tag-P1000 para sa gold medals.
Samtang tag-P800 naman para sa 302 ka mga nakakuha sang silver medal kag tag-P600 para sa 134 nga naka-bronze medals.
