Ginkwestyon sang Bacolod City Legal Office ang distribusyon sang tubig sa mga barangay sa ciudad sang Bacolod matapos nga mas nagdamo ang nagreklamo sa kakulangan sang tubig apisar nga normal ang supply nga ginahatag.
Suno kay City Legal Officer Atty. Romeo Carlos Ting Jr. ang 70 megaliters per day, ang husto na para sa tanan nga brgy sang ciudad, amo nga ginakwestyon sa karun kun bala matuod ang 70 MLD nga distribution kag kun diin ini nagkadto kasunod sa mga reklamo sang pumuluyo.
Ginpamangkot na sini ang PrimeWater kun pila ang capacity nga ginadeliver kag suno sa ila, 70 MLD ang ila nga ginahatag, apang wala naman sila naghatag pa sang dugang nga sabat bangod nga sila ang ginadumilian sang ila main office.
Kasubong man nga ginkwestyon sini ang Bacolod City Water District (BACIWA) nga dapat mapahibalo sa mga tawo ang sitwasyon sa supply sang tubig.
Pahayag ni Ting, nagatinudloanay man ang duha ka bahin, dapat nga mahatag husto nga tubig kag serbsiyo sa pumuluyo.
