Ginmanduan ni Bacolod City Mayor Greg Gasataya ang mga Barangay sa ciudad sang Bacolod nga indi manukot sang unauthorized nga brgy business tax kag clearance fees.
Santo sa Executive Order No. 08, ginmanduan ang tanan nga mga barangay sa ciudad nga untaton gilayon ang pagkolekta sag bisan ano nga barangay business tax ukon iban pa nga business-related exaction luwas sa limited tax nga otorisado sa idalom sang Section 152 sang local government code, para lamang sa mga stores ukon retailers nga ang gross sales nga wala naglab-ot sa P50, 000.
Tinutuyo sini nga ordinansa agud nga masiguro ang legal nga pagkolekta, maprotektahan ang publiko kag mabuligan ang mga barangay officials nga malikawan ang civil, administrative kag criminal complaints.
Suno kay City Administrator Atty. Mark Steven Mayo., nagpagwa sang Executive Order ang Alkalde bangud may mga business owners nga nagpadangat sang ila reklamo sa gina-alegar dugang nga sukot sa business tax.
Suno diri,ginasumahan ang mga negosyante sang barangay sang ila gross sale kag ginasukot.
Paathag ni Mayo, ini ang indi na sakop sang barangay nga responsibilidad kag wala sila sang authority agud magpatuman sini.
Paandam sini nga kun mapamatud-an nga nagalapas santo sa ordinansa ang Punong Barangay ukon brgy officials, posible nga magapangatubang sila sang criminal kag administrative liabilities.
