-- ADVERTISEMENT --
Nagapati ang Congressman sa Lone District sang Bacolod City nga madamu ang nakatapos sa pag-eskwela sa kolehiyo bangud sa scholarship sa paghampang sang sports.
Sa pahayag ni Congressman Greg Gasataya nga key note speaker sa Regional State Colleges and Universities Athletic Association ukon RSCUAA Meet kahapon, nagapati siya nga ang sports ang dako nga bulig ilabi na sa mga estudyante nga mga pigado.
Ginpahayag man sini nga ang kabuhi ang kaangay sang negosyo nga nagakinahanglan sang kapital gani sa patag sang sports, kinahanglan mamintinar ang ikaayong lawas bangud ini ang kapital sang mga atleta sa paghampang.
Dugang pa sini nga linibo ka mga indibidwal ang nakatapos sa pag-eskwela kag nag-ayuhan sa pagpangabuhi bangud sa sports.
