Mas nagadamo pa ang mga biktima sang mga online love scams sa Southeast Asia, santo sa cybersecurity firm nga Kaspersky.
Pahayag sang Kaspersky nga wala sang ginagamit nga pinasahi nga teknolohiya ang mga kawatan sa love scam.
Suno kay Siang Tiong yeo, Kaspersky general manager for Southeast Asia, ginabuhat sang mga ini ang scam pinaagi sa promisa sang paghigugma.
Ginbuhat nila ini pinaagi sa paglab-ot sa biktima sa tect ukon sa tawag tubtob sa madevelop.
Ginahingalitan sang mga scammers ang emotional needs sang ila nga mga biktima.
Santo sa data sang Kaspersky, isa sa kada duha ukon halos katunga sa 1,600 nga survey respondents sang mga ini ang nadulaan sang kwarta bangod sa love scam.
Santo sa Philippine National Police (PNP), nagadangat sa isa ka gatos sang love scam ang nareport sa ila.
Santo naman sa anti-cybercrime group, mahimo nga underreported ang krimen natuhoy diri bangod nahuya ang mga biktima.
Suno kay P/Lt. Michelle Sabino, mahimo nga indi sang mga ini luyag nga estoryahan sang iban nga tawo nga sila ang nagasulod sa online sex.
Nagpagwa naman sang panibag-o nga paandam batok sa love scams ang PNP kahapon, kadungan sa Valentine’s Day ukon adlaw sang tagipusuon, agud nga malikawan sang publiko ang mga kaangay nga modus.
Panugyan sang mga ini nga indi gilayon magsalig sa mga tawo nga nakilala sa internet kag indi magpadala sang kwarta sa mga indi kilala.
