Wala sang nareport nga napilasan apang may mga naglain lamang ang pamatyag sa mga evacuees sa banwa sang La Castellana bangud sa paglupok sang Bulkan Kanlaon kahapon.
Sa interview sang Bombo Radyo kay Orly Moralista, team leader sang Red Cross Ambulance Team, as of 1:00 am, wala sang may napilasan sa pag-evacuate sang mga pumuluyo apang may pila lamang nga naglain ang pamatyag apang manageable man ini.
Suno kay Moralista, sila ang nagpatigayon sang psychological assistance kag kalabanan sa mga nagbatyag sang kahadlok amu ang mga kabataan ilabi na matapos ang pagapangilat kag pag-ulan sang naglupok ang bulkan apang ginagiyahan man ang mga ini sang ila mga ginikanan.
Nagpanugyan ini sa mga pumuluyo nga indi magpanic kag nagpasalig nga bastante man ang pagkaon nagikan sa Department of Social Welfare and Development.
