Nagareklamo ang mga anay miyembro sang United Negros Transport Cooperative (UNETCO) nga ginterminate matapos nga magkwestyon sa mga rekisitos sang ila kooperatiba.
Sa interview sang Bombo Radyo Bacolod kay Peter Gargaritano, anay Board of Director sang UNETCO, 12 sila nga mga naterminate kag current members ang nagfile sang reklamo sa Cooperative Development Authority (CDA) batok sa UNETCO bangod sa nanarisari nga rasun.
Suno kay Gargaritano, siya ang nagsulod sa kooperatiba sang 2020 apang siya ang ginterminate sang 2022.
Ini matapos lamang nga magpangita sang official receipt sang madamo nga ginabayaran, didto na ini nga ginpainitan tubtob nga ginhambalan nga siya ang terminated na.
Matapos nga ginpasaka sa CDA ang reklamo, ginpahayag sang chief investigation team, nga siya ang nagapabilin pa nga miyembro pending sang imbestigasyon.
Apang ini ang wala man ginakilala sang Chairman of the Board nga si Romely Soliguen.
Sa pihak sini, ginpasalig na sang CDA nga ginahulat na lamang ang sabat sang central office, apang ginakatingala man ni Gargaritano bangod sa pagpadulong sini sa Manila, ginpahayag sang Central Office nga wala sang may nag-abot sa ila nga nagarequest sang sabat sa imbestigasyon kag nagpanindugan nga ini ang responsibilidad sang regional office.
Sa pihak nga bahin, isa man sa tagreklamo ang anay driver-operator nga si Ildefonso Surban, nga ginterminate sang Abril 2023.
Suno diri, siya ang nagpangita sang financial statement, nga suno diri kinamatarong nila bilang miyembro.
Apang ini ang wala gid ginpakita ni Soliguen kag ang mga figures nga ginareport sa ginapatigayon nga assembly ang verbal lamang kag wala sang pamatuod, apang kasunod sang pagkwestyon siya ang ginterminate man sa kooperatiba.
Ang complaint ang ginpasaka sa CDA sang Disyembre 3, 2023.
