Mahimo nga masuguran sa Enero 20 sang Bacolod City Government ang pag-require sa mga empleyado sang ciudad nga magsuksok sang Asian-inspired kag Filipiniana attire kada Lunes.
Ginpayahag ni City Administrator Lucille Gelvolea nga nalipay ang mga empleyado ang pagpatuman sang memorandum sang Civil Service Commission nga may tinutuyo nga mapabaskog ang national identity kag culture sa pungsod.
Nakasaad sa Memorandum Circular No. 16 sang CSC nga kada first Monday of the Month maga-suksok sang Asean-inspired attire ang mga government employees kag Filipiniana costume naman sa second, third kag fourth Mondays of the Month.
Suno kay Gelvolea nga indi kinahanglan nga magarbo ang costume basta masunod lang ang tinutuyo sang CSC.
Indi required ang mga job order workers sang siudad pero gina-encourage sila nga mag suksok man sang panapton nga naga-pakita sang ila pag palangga sa pungsod.
