Mga kabataan sa subong nga henerasyon, gintawag ni Senator Robin Padilla nga “mahina”; paggamit sang social media, ginaparegulate

Gintawag ni Senator Robinhood Padilla nga “mahina” ang kabataan sa subong nga panahon.

Ini ang ginpahayag sang senador sa tunga sang pagtalakay sa hagna nga ginaduso para sa Children’s Safety in Social Media.

Ini agud nga ma-regulate ang paggamit sang mga pamatan-on sa social media nga ginapatihan nga nakaapekto sa ila pagdako kag mentalidad.

Suno kay Padilla, nga indi kaangay sang kabataan sa karun ang mga batang 80’s kag 90’s nga indi palahibi, nagahampang sa kalsada, nakahibalo pa sang camping kag pagpakig-abyan.

Dugang pa sang senador, nga bisan ang tinaga nga depression indi man uso sadto kag subong lang niya ini nahibaluan.

Suno diri bisan ang isa ka bata nga gamay pa subong ang nagahambal na nga depressed sila.

Gin-ehemplo ni Padilla ang mga pungsod Australia, France kag Italy nga naghimo na sang regulasyon ukon ban sa paggamit sang kabataan sa social media matapos nga makitaan ini sang mga negatibo nga epekto sa ila pagdako.