Ginpahayag ni Senator Robin Padilla nga mahimo magpamatok ang Senate minority bloc sa pag-convene sang impeachment court kun isumiter sang Kamara de Representantes ang articles of impeachment batok kay Vice President Sara Duterte.
Depensa sang Senador, kabahin sang katungdanan sang minorya ang mag-oppose bilang pagsunod sa parliamentary procedure, apisar nagpanumpa ang mga Senador bilang hukom.
Samtang, ginpamatukan man ni Senator Jinggoy Estrada ang impeachment bangud sa kadamo sang problema sang pungsod, apang ginpahayag man sini nga ebidensya ang iya pagabasehan kun madayon ang proseso.
Ginsiguro man ni Senator Alan Peter Cayetano nga masunod ang minority bloc sa mga patakaran.
Suno naman kay Senate President Vicente Sotto III, mahimo i-convene ang impeachment court kun nabaton ang articles of impeachment, apang ang mismo nga trial ang ipatigayunon sa nagakaigo nga tion santo sa Konstitusyon.
