Nagpahanumdum ang director sang Bacolod City Police Office (BCPO) sa mga kapulisan nga indi magbaton sang mga regalo sini nga Christmas season.
Sa interview sang Bombo Radyo kay Police Col. Thomas Joseph Martir, ginpahayag sini nga una na nga nagpahumdum si Philippine National Police Chief General Rodolfo Azurin Jr. sa mga police personnel nga ginadumilian ang pagbaton sang mga regalo maskin sin-o nagikan.
Suno kay Martir, ini agud malikawan ang mga haka-haka ukon mga malisya.
Suno diri, mas maayo naman ini bangud may yara man sang bonus ang mga kapulisan.
Nagpanugyan man ini nga gastuhon sang maayo ang ila Christmas bonus agud makabenefit kag maka-enjoy sang Paskwa.
Suno sa BCPO director, may yara naman sila sang security plan para sa holiday season.
