Mga kapulisan sa Western Visayas, wala sang narecord nga insidente nga may kaangtanan sa Undas 2024

Wala sang may narekord nga mga insidente nga nagluntad sa kabug-usan nga Western Visayas pagsaulog sang All Saint’s Day kag All Soul’s Day.

Sa interview sang Bombo Radyo Bacolod kay Police Regional Office 6 spokesperson Police Lt. Col. Arnel Solis, wala sang insidente nga narekord may kaangtanan sa pagselebrar sang Undas.

Suno diri, humalin sang Oktubre 31 tubtob sa karun yara sa gihapon ang mga gindeploy nga mga kapulisan sa mga sementeryo.

Nalakip man sa ginabantayan sang mga kapulisan ang mga sea ports kag airports kag bus terminals kun sa diin may mga checkpoint nga ginapatuman.

Dugang pa sini, minor traffic incidents lamang ang nagluntad kag wala sang kaangtanan sa pagselebrar sang Undas.