Gin-anunsyar sang Central Negros Electric Cooperative Inc. nga may pagsaka sa electricity bill sang mga member-consumers subong nga bulan sang Setyembre.
Ginpahibalo sang CENECO ang mga konsumidor nga yara na sa karun sa P15.69 per kWh ang residential rate para sa Setyembre 2022 kag ini ang may pagsaka sang P0.22 per kWH kun ikumparar sa rate sang tinalikdan nga bulan nga P15.47 per kWh.
Ang P0.22 per kWh nga rate hike ang maattribute sa pagsaka sang generation, transmission kag system loss charges.
Ang nasambit nga increase ang bangud sa error sa metering data sang National Grid Corporation of the Philippines (NGCP) para sa billing period nga January 26 to February 25, 2022 rason kun ngaa nahimo ang nasambit nga mga adjustments nga nagresulta sa pagsaka man sa Wholesale Electricity Spot Market (WESM) power cost.
Ang pass through charges ang equivalent sa P14.51 per kWh sa kabug-usan nga power rate lakip na ang Generation and Transmission charges; ERC-approved adjustments; kag government subsidies and taxes.
P1.18 per kWh lamang sang power rate ang nagakadto sa CENECO paagi sa Distribution, Supply, Metering (DSM) charges kag Reinvestment Fund for Sustainable CAPEX (RFSC) para sa administrative kag operational services.
Humalin sang 2010, ang DSM kag RFSC sang CENECO ang wala nagsaka.
