Mga miyembro sang bag-o nga Senate Majority, gintawag ni former Senate President Alan Peter Cayetano nga “tuta” sang Malacañang

Liwat nga ginbatikos ni Sen. Alan Peter Cayetano ang pila ka mga miyembro sang bag-o nga Senate Majority matapos niya gin-akusaran bilang mga “tuta” sang Malacañang.

Sa iya nga mensahe sa isa ka fellowship lunch kahapon, ginhingadlan ni Cayetano sanday Senate Pro-Tempore Vicente ”Tito” Sotto III kag senator Raffy Tulfo bilang mga “tuta” ni President Ferdinand “Bongbong” Marcos Jr.

Samtang si Sen. Erwin Tulfo naman ang gintawag niya nga “tuta” ni Sen. Ping Lacson bangud sa mga impormasyon nga ginaalegar nahibaluan ni Lacson batok kay Tulfo.

Wala man nakaluwas si Lacson sa pangbatikos ni Cayetano kag iya ini gintawag bilang ido sang Malacanang.

Ginpaathag pa sang senador nga ang kahulugan sang ido amo ang tawo nga nagasunod kag nagatuman sang mga sugo.

Sa bahin ni Lacson, ginpahayag sini nga naluoy siya kay Cayetano bangud sa mga kaangay nga alegasyon.

Samtang, nagsabat naman si Sotto nga indi dapat uyangan ang oras sa mga pahayag ni Cayetano.