Apisar sang malain nga tiyempo, ginsulay sang mga Muslim ang ulan kahapon sang aga agud magtipon kag maghalad sang pagpangamuyo agud masaulog ang Eid’l Adha ukon ang Feast of Sacrifice sa Quiapo, Manila.
Linibo ka mga Muslim ang nagtipon sa Golden Mosque kag sa mga dalanon sa palibot sini bilang pag-obserbar sang feast.
Suno kay Jalal Jamil, ang grand imam sang Golden Mosque, kapin 10,000 ka mga Muslim brothers kag sisters ang nagtipon.
Nalakip sa mga aktibidad nga ginapatigayoon sang mga Muslims sa sini nga selebrasyon amu ang pag-ihaw sang mga livestock kag pagselebrar kaupod ang ila pamilya.
Ang Eid’l Adha ang isa sa duha ka mga dalagko nga Muslim holidays.
Una na nga ginpahayag sang National Commission on Muslim Filipinos nga ang actual observance sang Eid’l Adha amu ang Hunyo 16, 2024.
Gindeklarar ni President Ferdinand Marcos Jr. ang Hulyo 17 bilang isa ka regular holiday bilang pag-obserbar sang nasambit nga kapistahan.
