Gin-athag sang alkalde sa banwa sang La Castellana nga ang mga pumuluyo na lamang nga yara sa mga kritikal nga area malapit sa crater sang Bulkan Kanlaon kag sa mga water ways nga gindaluduan sang lahar.
Sa interview sang Bombo Radyo Bacolod kay La Castellana Mayor Rhummyla Nicor Mangilimutan, bugana sa suporta sang gobyerno, non-government organizations (NGOs) kag mga pribado nga indibidwal ang mga evacuees sa banwa.
Paathag sang alkalde nga nagapabilin gihapon ang Alert Level 2 sa Bulkan Kanlaon, nga nakabase sa mga parameters kaangay sang phreatic eruption, volcanic earthquakes, gass emmission, plumes kag iban pa.
Ang mga nagapabilin sa evacuation centers amo ang mga nagapuyo sa higad sang mga sapa nga gina-agihan sang lahar kag ang mga yara sa sulod sang 4 kilometer radius permanent danger zone kasubong man ang mga lapaw sa 4 kilometers apang yara sa lugar nga mabudlay magpatigayon sang rescue operation.
Ang posibilidad sang lahar flow man ang rasun kun ngaa ginpaiway ang cloud seeding.
