As of alas-8:00 kaina sang aga, halos magdangat na sa isa ka libo ang numero sang mga evacuees gikan sa pito ka mga Barangay sa ciudad sang Bacolod.
Sa interview sang Bombo Radyo Bacolod kay Bacolod City Disaster Risk Reduction and Management (CDRRM) Officer Mickey Siocon, 267 ka pamilya ukon 989 ka indibidwal ang recorded nga nag-evacuate.
Ang mga ini ang gikan sa Barangay Handumanan, Pahanocoy, Cabug, Singcang-Airport, Sum-Ag, Alijis kag Taculing.
Apang aminado man si Siocon nga ang iban ang nagapauli lang man gilayon pagtahaw sang baha sa ila lugar.
Ginapanugyan lamang nila sa mga Barangay nga maseguro nga indi magpasulit-sulit ang pagrescue kun sila ang magpauli nga wala pa nagkanay ang sitwasyon.
Ginapakamaayo na lamang sini nga wala sang nareport nga napilasan.
Panawagan ni Ciocon sa nagaluntad nga kaangay nga severe weather calamities nga mag-evacuate na lamang gikan sa puluy-an ilabi na kun sila ang nagapuyo sa flood prone area.
Samtang abiso man sini sa mga Barangay officials nga mangin preparado sa madasig nga pagresponder kag pagrescue sang mga pumuluyo sa kaangay nga mga disasters.
