Disappointed ang mga nagaarkila sang kiosko sa palibot sang Bacolod City Public Plaza bangud sa atrasado sa paghanda sang mga structure nga sila man ang nagpahimo kag sila man ang naggasto.
Sa interview sang Bombo Radyo sa negosyante nga nagpahingalan lamang kay Jayson, 8 by 8 feet ang kalaparon sang structure sa public plaza kag may arkila nga P25,000 samtang 10 by 10 feet naman ang land area sang mga kiosko sa Bacolod Government Center nga may kaangay man nga arkila.
May dugang man sila nga gasto bangud kawayan lang ang ginprovide sang ciudad kag ang tenants ang nagpahimo sang kiosko.
Bangud sini, nagahingyo ang mga tenants kun mahimo mapanubuan ang arkila.
Sarang man nila maakomodar ang 1st lane sang dalan halin alas-4:00 sang hapon tubtub alas-3:00 sang kaagahon kag pagkatapos sini, balik naman ang normal nga business kag transportasyon.
Ang kontrata ang epektibo Oktubre 1 tubtub 23.
Suno diri, may yara sang group chat ang mga tenants kag yara man ang mga organizers apang indi maayo ang pagrespond sang mga ini sa ila nga mga request.
Suno kay Jayson, unprofessional ang response sa ila gani madamo ang disappointed bangud palareho man lang sila nga nagapangita sang kwarta.
Nagasentimyento naman ang mga tenants sa plaza bangud Oktubre 1 pa sila nagsugod sa pagbaligya, samtang ang yara naman sa BCGC ang nagsugod na sa pagbaligya sang Setyembre 30 sang gab-i gani nakabawi na sila sang ila nga capital.
Nagalaom si Jayson nga magapili ang alkalde sang maayo nga organizer sa masunod nga tuig.
Nagaproblema naman ang mga ini nga makabawi sang ila nga capital bangud wala sang dalagko nga event sa plaza, indi kaangay sa Bacolod City Government Center.
